تجربتي الشخصيه لهالخبز فاقت توقعاتي وايد وايد سهل وما يحتاج استخدم اي مواعين اضافيه وطعمه لذيذ وغني
قوام الخبز ثقيل نفس الخبز الالماني شواتزبروت او فولكنبروت … اذا كنتو من محبين هالنوعيه من الخبز لازم تجربونه
سعر الكيس ٢.٥ د.ك و يعطينا قالب واحد عن نفسي سعدت بتجربته واذا رحت ايكيا مره ثانيه بحرص اني اخذ لي حبه للمستقبل
ضفت خطوتين وهي مو مطلوبه … ضفت ربع كوب خميره ساوردو مستبعده بالاضافه للحبوب (سمسم وحب شمسي وحب قرع) على الوجه
دهن القالب ضروري جدا عشان لا يلزق الخليط وعشان تتحمر الطبقه السفليه وتاخذ لون حلو
بسم الله نبتدي
السلام عليكم .. من وين اخذ خميره ساوردو وهل تحتاج هذي الخميره
ماتحتاج خميره ساوردو هذي اضافتي … واذا كنتي بالكويت وتبين منها تواصلي معاي بالايميل واعطيج عنواني اسلمج جزء منها
لا ما تحتاج .. خميره الساورد دو متوفره ببعض المحلات المتخصصه او الحسابات الخاصه ببيع خبز الساوردو